Mánfer de la Llera, al que se-y dedica esti añu la Selmana de les Lletres Asturianes yera un poeta mui nomáu n'Asturies, pero amás de poeta la so profesión yera ser mineru.
¿Quién dixo que nosotros nun podíemos ser poetes?
Yá sabemos que ponese delantre una páxina en blanco ye mui difícil, asina que, nesti casu, vamos echate un gabitu.
Nel documentu d'abaxo tienes un poema mui famosu de Mánfer de la Llera que vas tener que dir rellenando pela zona sopuntiada.
Seguro que con esta ayuda sois a facer unos poemes bien guapos.
Les persones qu'estudien acerca de la lliteratura avérense davezu a los escritores pente medies de la so vida.
Nesta actividá proponémoste construyir una llinia del tiempu cola vida de Mánfer de la Llera. Pa ello nun tienes más qu'imprimir les fueyes del primer documentu, consultar el segundu y dir pegando les obres, semeyes y poemes que t'ufiertamos nel terceru.
Amás pues incluyir tola información que topes pela Rede o que te cuenten en clase acerca del poeta asturianu. Equí tienes una riestra de páxines que te puen ayudar.
Seguramente teneis lleío en clase abondos testos de la persona a la que se-y dedica esti añu la Selmana les Lletres, Mánfer de la Llera.
Pero ¿Sabeis cómo yera él?
Proponémoste rellenar esti perfil del escritor asturianu imaxinando cómo yera realmente: los güeyos, la ñariz, la boca, les oreyes, les ceyes...
Dempués, cola ayuda de la to maestra o maestru vas ver si quedasti cerca o pela contra nun se paecía en nada.
